নিয়মীয়া বাৰ্তা, ২৫ আগষ্ট : ছয়গাঁও সমষ্টিৰ অন্তৰ্গত শিঙিমাৰী হাবি গাঁৱৰ পৰা কালি বিয়লি কিশোৰ ছাত্ৰ এগৰাকী নিৰুদ্দেশ হৈছে ৷ জানিব পৰা মতে, শিঙিমাৰী হাবি গাঁৱৰ একাব্বৰ আলীৰ পুত্ৰ তথা গৰৈমাৰীৰ ব্ৰহ্মপুত্ৰ ভেলী একাডেমীৰ দশম শ্ৰেণীৰ ছাত্ৰ আশ্বিক ইকবাল হাছান (১৬) কালি বিয়লি নিজ গৃহৰ পৰা ওলাই যোৱাৰ পিছৰ পৰাই নিৰুদ্দেশ হৈ আছে ৷ ইপিনে, পৰিয়ালৰ লগতে গাঁওবাসীয়ে বিভিন্ন ঠাইত বিচাৰ-খোঁচাৰ কৰিও নিৰুদ্দিষ্ট ছাত্ৰগৰাকীৰ কোনো সন্ধান উলিয়াব পৰা নাই ৷ পিছত ঘটনা সন্দৰ্ভত পৰিয়ালৰ লোকে কালি সন্ধিয়া গৰৈমাৰী থানাত এজাহাৰ দাখিল কৰাত আৰক্ষীয়ে ইতিমধ্যে তদন্ত আৰম্ভ কৰিছে ৷ আনহাতে কিশোৰ ছাত্ৰগৰাকী নিখোজ হোৱাত পৰিয়ালৰ লোকৰ মাজত হাহাকাৰ পৰিস্থিতিৰ সৃষ্টি হৈছে ৷ কোনো সচেতন ব্যক্তিয়ে নিৰুদ্দিষ্ট ছাত্ৰগৰাকীৰ সন্ধান পালে ৯৯৫৭১-৯৯১৩০, ৬০০১০-২৬২৯৩ নম্বৰ নতুবা স্থানীয় আৰক্ষী থানাত খবৰ দিবলৈ পৰিয়ালৰ লোকে অনুৰোধ জনাইছে ৷
প্ৰেৰক নুৰুল ইছলাম