বিশেষ বাৰ্তা, লখিমপুৰ, ২৬ এপ্রিলঃ মডেলিঙত উজলিছে লখিমপুৰৰ এটি কণমানি। পঢ়াশুনাৰ সমানে তেওঁ দিছে মডেলিং জগতত খোজ। আন দহজন শিশুৰ দৰে তেওঁ কেৱল পঢ়াশুনাতে আবদ্ধ নাথাকি মডেলিঙৰ জগতত খোজ থৈ আন এক সুকীয়া পৰিচয় তুলি ধৰাৰ প্ৰয়াস কৰিছে। লখিমপুৰৰ এই কণমানি শিশুটিৰ নাম আৰণ্যক সাহা। ইতিমধ্যে অসমৰ লগতে ৰাষ্ট্ৰীয় পৰ্যায়ৰো কেবাটাও বঁটা লাভ কৰিবলৈ সক্ষম হৈছে লখিমপুৰৰ চিনাতলীয়াৰ আৰণ্যক সাহাই। লখিমপুৰৰ ভেলী ভিউ স্কুলত ষষ্ঠ শ্ৰেণীত অধ্যয়নৰত আৰণ্যকে এফেনেক্স ইণ্ডিয়াৰ মুম্বাইত ফটো প্ৰতিযোগিতা আৰু কীডছ এছিভাৰ এৱাৰ্ড লাভ কৰাৰ লগতে শেহতীয়াকৈ স্পাৰ্কে ইয়ুথ অৱ আছাম সন্মান প্ৰদান কৰিছে। আৰণ্যকৰ এনে সাফল্যত উৎফুল্লিত হৈ পৰিছে পিতৃ-মাতৃৰ লগতে অঞ্চলবাসীও। সকলোৱে শুভেচ্ছা আৰু আশীর্বাদেৰে আৰণ্যকৰ সফলতাৰ পথ সেন্দুৰীয়া হৈ পৰাৰ কামনা কৰিছে।