নিয়মীয়া বাৰ্তা ৪ মেঃ মৰিগাঁও জিলাৰ জাগীৰোডৰ সমীপৱৰ্তী জাগিভকত গাওঁৰ ফুলতলী অঞ্চলৰ সৰবৰহী ব্যক্তি তথা জাগিভকত গাওঁৰ বৰঠাকুৰ বুক ষ্টলৰ নিয়মীয়া হকাৰ সোমবৰ বৰদলৈ (৫৫)ৰ বুধবাৰে নিশা ৰোগজনিত কাৰণত আকস্মিক ভাৱে পৰলোক প্ৰাপ্তি ঘটে। জানিব পৰা মতে ৪দিন পূৰ্বে তেওঁ হঠাৎ ঘৰতে ষ্ট্ৰক জনীত কাৰণত অসুস্থ হৈ পৰে আৰু চিকিৎসাৰ বাবে মৰিগাঁও অসামৰিক চিকিৎসালয়লৈ নিয়া হয় যদিও পৰৱৰ্তী সময়ত ঘৰলৈ লৈ অহাৰ পিছত তেখেতে ইহলীলা সম্বৰণ কৰে। মৃত্যুৰ সময়ত তেওঁ পত্নী ডিম্বেশ্বৰী বৰদলৈ , এগৰাকী পুত্ৰ আৰু দুই কন্যাক এৰি গৈছে।
প্ৰতিদিনে পুৱাতে বাতৰি কাকত ৰাইজৰ হাতত তুলি দিয়া সোমবৰ বৰদলৈ ৰ মৃত্যুৰ খবৰ বিয়পি পৰাৰ লগে লগে শোকবিহ্বল হৈ পৰে সমগ্ৰ অঞ্চলবাসী ।উল্লেখ্য খেতিৰ লগতে বাতৰি কাকত বিলনীয়া ৰূপেও কঠোৰ পৰিশ্ৰম কৰি সংসাৰ পোহপাল দি আছিল। উল্লেখ্য জনপ্ৰিয় হকাৰ সোমবৰ বৰদলৈৰ আকস্মিক মৃত্যুত জাগিভকত গাওঁ ৰ বৰঠাকুৰ বুক ষ্টল সত্বাধিকাৰী তুলতুল বৰঠাকুৰ ৰ লগতে সহকৰ্মী হকাৰ সকলে গভীৰ শোক ব্যক্ত কৰিছে। আনহাতে সোমবৰ বৰদলৈৰ মৃত্যুত নিয়মীয়া বার্তা ৰ পৰিয়ালেও শোক প্ৰকাশ কৰাৰ লগতে শোকসন্তপ্ত পৰিয়ালবৰ্গলৈ সমবেদনা জ্ঞাপন কৰিছে