নিয়মীয়া বাৰ্তা, ৬ আগষ্ট : ৰূপহীহাট থানাৰ সহকাৰী আৰক্ষী বিষয়া ৰাজীৱ শৰ্মাৰ নেতৃত্বত যোৱানিশা এক গোপন সূত্ৰৰ পম খেদি ড্ৰাগছ বেপাৰীৰ বিৰুদ্ধে গুণাবাৰী সোণাইপাৰত চলায় এক অভিযান ৷ আৰক্ষীৰ অভিযানত আটক মহিলা ড্ৰাগছ বেপাৰী ফাতেমা খাতুন ৷ উল্লেখ্য যে পৰহি ৰূপহীহাট আৰক্ষীয়ে গুণাবাৰী সোণাইপাৰৰ ড্ৰাগছ বেপাৰী আব্দুল খালেকৰ ঘৰত অভিযান চলাই ৯টাকৈ চাবোনৰ বাকচভৰ্তি ড্ৰাগছৰ লগতে নগদ ১ লাখ ৬৪ হেজাৰ টকা জব্দ কৰিছিল৷ আৰক্ষী যোৱাৰ উমান পাই পলায়ন কৰিছিল মহিলা ড্ৰাগছ বেপাৰী ফাতেমা খাতুন৷ পলাই আত্মগোপন কৰি থকা মহিলা ড্ৰাগছ বেপাৰী ফাতেমা খাতুনক বিচাৰি ৰূপহীহাট আৰক্ষীৰ অভিযান অব্যাহত আছিল৷ যাৰ বাবে যোৱানিশা আৰক্ষীৰ জালত পৰে মহিলা ড্ৰাগছ বেপাৰীগৰাকী৷ ধৃত ফাতেমা খাতুনক অধিক তথ্যৰ বাবে ৰূপহীহাট আৰক্ষীয়ে জেৰা অব্যাহত ৰাখিছে৷
প্ৰেৰক জহিৰুল ইছলাম