নিয়মীয়া বাৰ্তা, ১২ অক্টোবৰ : ঢকুৱাখনা সদৰ থানাৰ অন্তৰ্গত মাতমৰা কানকান চাপৰিৰ বাঞ্জি চাপৰি গাঁৱৰ কৃষ্ণ কান্ত পেগু নামৰ এগৰাকী ৬৫ বছৰীয়া ব্যক্তি ২০ ছেপ্তেম্বৰৰ পৰা সন্ধানহীন হৈ থকাত পৰিয়ালটোৰ মাজত হাহাকাৰ পৰিস্থিতিৰ সৃষ্টি হৈছে ৷ প্ৰাপ্ত তথ্য মতে, কৃষ্ণ কান্ত পেগুৰ তিনি পুত্ৰই নিজা নিজা পৰিয়ালসহ পৃথকে থাকে আৰু নিজে সৰু পো—বোৱাৰীৰ লগত জীৱন অতিবাহিত কৰি আহিছিল ৷ কিন্তু সৰু পুত্ৰও কৰ্মসূত্ৰে চেন্নাইত থকাত কৃষ্ণ কান্তই সৰু বোৱাৰীয়েকৰ লগত কিবা কথাত কাজিয়া কৰি ২০ ছেপ্তেম্বৰতেই ঘৰৰ পৰা ওলাই যোৱাৰ পিছৰে পৰাই কোনো শুংসূত্ৰ নোপোৱাত পৰিয়াল আৰু আত্মীয়-কুটুম্বৰৰ মাজত হাহাকাৰ পৰিস্থিতিৰ সৃষ্টি হৈছে ৷ প্ৰায় ৫ ফুট উচ্চতাৰ বৰ্ষীয়ান লোকজনৰ কোনো সন্ধান পালে স্থানীয় আৰক্ষী চকী নাইবা ৬০০১৩৫৫৮৯৭ বা ৮২১৭৮১১০৭৪ নম্বৰত যোগাযোগ কৰিবলৈ আহ্বান জনাইছে মাজু পুত্ৰ মণি কান্ত পেগুৰ লগতে পৰিয়ালবৰ্গ আৰু আত্মীয়-কুটুম্বই ৷
প্ৰেৰক ৰাজেশ বুঢ়াগোহাঞি