নিয়মীয়া বাৰ্তা ২৬ এপ্ৰিলঃ ক’ভিডৰ ভয়াৱহতাৰ মাজত ছাত্র–ছাত্রীৰ শৈক্ষিক বর্ষ নষ্ট নোহোৱাকৈ কিদৰে ৰাখিব পাৰি, তাৰ বাবে গুৱাহাটী বিশ্ববিদ্যালয় কর্তৃপক্ষই চিন্তা–চর্চা আৰম্ভ কৰিছে৷ ইয়াৰ অংশ হিচাপে চৰকাৰৰ এছ অ’ পি অনুসৰি বিকল্প পদ্ধতিৰে পৰীক্ষা অনুষ্ঠিত কৰিবলৈ যো–জা চলাইছে বিশ্ববিদ্যালয় কর্তৃপক্ষই৷ বিশ্ববিদ্যালয় কর্তৃপক্ষৰ এটা সূত্রই সদৰী কৰা অনুসৰি শীঘ্রেই বিশ্ববিদ্যালয়ৰ পৰীক্ষাসমূহৰ নিয়ন্ত্রকে এই সম্পর্কীয় জাননী জাৰি কৰিব৷ বিশেষকৈ যিকেইটা পেছাদাৰী পাঠ্যক্রম আছে, সেইকেইটাৰ অগ্রাধিকাৰ ভিত্তিত পৰীক্ষা অনুষ্ঠিত কৰা হ’ব৷ লক্ষণীয়ভাৱে ক’ভিডকেন্দ্রিক পৰিস্থিতিৰ মাজত কেনেধৰণৰ বিকল্প পদ্ধতিৰে পৰীক্ষা অনুষ্ঠিত কৰা হ’ব, সেই কথা সূত্রটোৱে সদৰী কৰা নাই৷