নিয়মীয়া বাৰ্তা, ২৮ এপ্ৰিল : ড্ৰাগছ, ভাং আদি নিচাজাতীয় সামগ্ৰী সৰবৰাহৰ বিৰুদ্ধে অভিযান অব্যাহত আছে দৰং আৰক্ষীৰ৷ দৰঙৰ দলগাঁও আৰক্ষীয়ে আজি ৫ কেজি গাঞ্জা সৈতে দুই গাঞ্জা সৰবৰাহকাৰীক আটক কৰিবলৈ সক্ষম হয় । জানিব পৰা মতে দলগাঁৱৰ বিভিন্ন অঞ্চলত গাঞ্জা বিক্ৰী কৰি আহিছিল যুৱক দুজনে। উপ আৰক্ষী অধীক্ষক প্ৰাঞ্জল বৰাৰ নেতৃত্বত আৰক্ষীয়ে দৈপামৰ বালিগাঁৱত ই ৰিক্সাত গাঞ্জা লৈ আহি থকা অৱস্থাত চালকৰ সৈতে এজন যুৱক আটক কৰে। আটকাধীন যুবক দজন লোকমান আলি (বালিগাঁও) আমিনুল হক (বেছিমাৰী) বুলি জানিব পৰা গৈছে। আৰক্ষীয়ে ঘটনাটো সন্দৰ্ভত তদন্ত অব্যাহত ৰাখিছে ।
প্ৰেৰক আব্দুচ ছামাদ