নিয়মীয়া বাৰ্তা, ১৩ নৱেম্বৰঃ কংগ্ৰেছ ত্যাগ কৰিব পাৰে অজন্তা নেওগে। গোলাঘাট সমষ্টিৰ বিধায়িকা তথা প্ৰাক্তন কংগ্ৰেছ মন্ত্ৰীগৰাকীয়ে কংগ্ৰেছ ত্যাগ কৰি বিজেপিলৈ যোৱাৰ সম্ভাৱনা প্ৰকট হোৱা বুলি জানিব পৰা গৈছে। অৱশ্যে এই বিষয়ে নেওগে কংগ্ৰেছ নেতৃত্বক কোনো কথা জনোৱা নাই যদিও স্থানীয় কংগ্ৰেছ কৰ্মীৰ মুখৰ পৰা জানিব পৰা গৈছে এনে সম্ভাৱনাৰ কথা।
স্থানীয় কংগ্ৰেছ নেতাই জানিবলৈ দিয়া মতে, কংগ্ৰেছ নেতৃগৰাকীৰ গোলাঘাটৰ ঘৰত ঘনাই আলোচনা চলিছে কংগ্ৰেছৰ পঞ্চায়ত তথা সমষ্টিৰ কৰ্মীৰ সৈতে। সেয়ে তেওঁলোকে নেওগৰ পৰা স্পষ্টতা বিচাৰিছে এইক্ষেত্ৰত। একাংশ কংগ্ৰেছ কৰ্মীৰ মতে অজন্তা নেওগে এই মাহতে বিজেপিত যোগদানৰ সম্ভাৱনা আছে।