নিয়মীয়া বাৰ্তা, ২০ ফেব্ৰুৱাৰীঃ গুৱাহাটী ষ্টেচনত কালি আৰ পি এফৰ জোৱানে চলোৱা নিয়মীয়া তালাচীত এটি ৭ বছৰীয়া শিশুক উদ্ধাৰ কৰিবলৈ সক্ষম হয়৷ ১নং প্লেটফর্মত সন্দেহজনকভাৱে ঘূৰি ফুৰা শিশুটিক উদ্ধাৰ কৰি আৰ পি এফৰ দলটোৱে ৰে’লৱে চাইল্ড লাইনক গতাই দিয়ে৷
আৰ পি এফৰ উপ–পৰিদর্শক একে নাথ আৰু কনিষ্টবল নন্দু সাহাই শিশুটিক উদ্ধাৰ কৰি সোধা–পোছা কৰাত শিশুটিয়ে নিজকে সুৰজ মুণ্ডা বুলি পৰিচয় দিয়ে৷ ৰে’ল আৰক্ষীয়ে শিশুটিৰ ঘৰ দুলীয়াজানৰ ৰে’ল ষ্টেচনৰ সমীপত বুলি জানিবলৈ দিছে৷ শিশুটিৰ পৰিয়ালৰ লোকৰ সৈতে যোগাযোগ কৰিব পৰা নাই৷