নিয়মীয়া বাৰ্তা ২৮ ডিচেম্বৰঃ পল্টনবজাৰ আৰক্ষীয়ে কালি অভিযান চলাই চাৰিটা দুর্ধর্ষ বাইকচোৰক গ্রেপ্তাৰ কৰিবলৈ সক্ষম হয়৷ পল্টনবজাৰ আৰক্ষীয়ে লাভ কৰা তথ্যৰ ভিত্তিত লাচিতনগৰৰ পৰা এটা বাইকচোৰক গ্রেপ্তাৰ কৰে৷ ধৃত বাইকচোৰটোৰ স্বীকাৰোক্তিৰ ভিত্তিত নিশা নলবাৰীত অভিযান চলাই তিনিটা বাইকচোৰক গ্রেপ্তাৰ কৰাৰ লগতে দুখন চুৰি বাইক উদ্ধাৰ কৰিবলৈ সক্ষম হয়৷ ধৃত বাইকচোৰকেইটা ক্রমে ফুলচান আলী (২০), মৃদুল সেনাপতি (২২) কিশোৰ দাস (১৯) আৰু মইনুদ্দিন আহমেদ (২৪)৷
পল্টনবজাৰ থানাত ৰুজু হোৱা ১০৩১/২০২০ নম্বৰৰ গোচৰটোৰ ভিত্তিত অভিযান চলাই আৰক্ষীয়ে বাইকচোৰকেইটাক গ্রেপ্তাৰ কৰে৷ সম্প্রতি পল্টনবজাৰ আৰক্ষীয়ে বাইকচোৰকেইটাক মাৰাথন জেৰা অব্যাহত ৰাখিছে৷ আৰক্ষীৰ জেৰাত ধৃত চোৰকেইটাই মহানগৰীৰ বিভিন্ন স্থানৰ পৰা বাইক চুৰ কৰাৰ কথা স্বীকাৰ কৰিছে৷ আৰক্ষীয়ে ধৃত চোৰকেইটাৰ পৰা আৰু কেইবাখনো বাইক উদ্ধাৰ কৰিবলৈ সক্ষম হ’ব বুলি জানিবলৈ দিছে৷