নিয়মীয়া বাৰ্তা, ৩০জুনঃ বিগত দিনকেইটাত হৈ থকা নেৰানেপেৰা বৰষুণৰ বােব জলমগ্ন হৈ পৰিছে বৰঝাৰস্থিত লোকপ্রিয় গোপীনাথ বৰদলৈ আন্তর্জাতিক বিমান বন্দৰ চৌহদ৷ বৰষুণৰ পানীয়ে বিমানবন্দৰৰ চৌহদত থকা কাৰ পার্কিঙটো প্রায় বুৰাই পেলোৱাত এক হাহাকাৰ অৱস্থাৰ সৃষ্টি হৈছে৷
উল্লেখ্য যে মাৰাত্মক ক’ৰোনা ভাইৰাছৰ সংক্রমণ ৰোধৰ বােব যোৱা ২৪ মার্চৰ নিশাৰ পৰা বিমানৰ চলাচল বন্ধ হৈ আছিল৷ ইয়াৰ পিছত চৰকাৰী বিভিন্ন নীতি–নিয়মৰ মাজেৰে যোৱা ২৫ মে’ৰ পৰা পুনৰ বিমানৰ চলাচল আৰম্ভ হয়৷ বৰঝাৰ বিমান বন্দৰত দৈনিক প্রায় পঁচিশখন বিমান অৱতৰণ কৰাৰ লগতে সমসংখ্যক বিমানে দেশৰ বিভিন্ন ৰাজ্যলৈ যাত্রা কৰে৷ বৰঝাৰ বিমান বন্দৰত যাত্রী থ’লৈ দৈনিক বহু যান–বাহন আহে৷ তদুপৰি বিমানৰে অহা যাত্রীসকলক কোৱাৰেণ্টাইন কেন্দ্র বা নিজ নিজ জিলালৈ অনা–নিয়া কৰাৰ বােব পৰ্বিহণ বিভাগৰ বহু সৰু–বৰ বাহন বিমানবন্দৰৰ পার্কিঙত ৰখাই থোৱা হয়৷ সমান্তৰালভাৱে বিমানবন্দৰত যাত্রীৰ স্বাস্থ্য পৰীক্ষা, নথি–পত্র পৰীক্ষাকে ধৰি বিভিন্ন দায়িত্বত নিয়োজিত িবষয়া–কর্মচাৰীস বাহনসমূহো পার্কিঙত ৰখোৱা হয়৷ কিন্তু যোৱানিশাৰে পৰা পার্কিং চৌহদটো জলমগ্ণ হৈ পৰাত এক হাহাকাৰ পৰিস্থিতিৰ সৃষ্টি হৈছে৷ মন কৰ্বিলগীয়া যে বিমানবন্দৰ চৌহদৰ পৰা পানী ওলাই যোৱা পথসমূহ বন্ধ হৈ পৰাত এজাক বৰষুণতে চৌহদটো জলমগ্ণ হৈ পৰে৷ বিমানবন্দৰ কর্তৃপক্ষ বা জিলা প্রশাসনে এই গুৰুত্বপূর্ণ বিষয়টোত বছৰ বছৰ ধৰি গুৰুত্ব আৰোপ নকৰা বােবই বিমান বন্দৰলৈ অহা–যোৱা কৰা যাত্রীসকলে অযথা জীয়াতু ভোগ কৰ্বি লগা হৈছে৷