নিয়মীয়া বার্তা, ৪ জুনঃ মহানগৰীৰ ছয়মাইলত অপৰাধ অনুসন্ধান শাখাৰ (চিআইডি) এটা দলে অভিযান চলাই ড্রাগ্ছ সৰবৰাহৰ অভিযোগত এহাল যুৱক–যুৱতীক গ্রেপ্তাৰ কৰে৷ চিআইডিৰ এক সূত্রই জনোৱা মতে ছয়মাইলৰ উৰণীয়া সেতুৰ তলত এ এছ ০১ ডি ডব্লিউ ৬০৪৬ নম্বৰৰ ৰেণল্ট কুইড গাড়ীত তালাচী চলাই যুৱক–যুৱতীহালক গ্রেপ্তাৰ কৰে৷
গাড়ীখনৰ ভিতৰত নিষিদ্ধ ড্রাগ্ছ অনা বুলি গোপন সূত্রে লাভ কৰা তথ্যৰ ভিত্তিত চিআইডিৰ দলটোৱে অভিযান চলাইছিল৷ দলটোৱে গাড়ীখনৰ ভিতৰৰ পৰা ড্রাগ্ছ জব্দ কৰিবলৈ সক্ষম হৈছে যদিও এই নিচাযুক্ত দ্রব্যখিনি ক’ৰ পৰা আনিছিল সেই সন্দর্ভত তথ্য উদ্ঘাটনৰ বাবে তদন্ত চলাই আছে৷