নিয়মীয়া বাৰ্তা, ১০ ফেব্ৰুৱাৰীঃ মহানগৰীৰ পানীখাইতীত ঘটনা সংঘটিত হৈছে এক ভয়ংকৰ পথ দুর্ঘটনা৷ যোৱানিশা নাৰেংগী–চন্দ্রপুৰ–ম্ সংযোগী ৰাজ্যিক ঘাইপথৰ পানীখাইতী চাৰিআলিত সংঘটিত হৈছে এই দুর্ঘটনা৷ এখন ইটা কঢ়িওৱা ড্রাকে পথেৰে গৈ থকা এজন লোকক মহটিয়াই নিয়াৰ ফলত লোকজন থিতাতে নিহত হয়৷ জানিব পৰা মতে কালি নিশা প্রায় ১০ বজাত পানীখাইতী নিৱাসী মহাদেৱ গৌতম (৫৭) এজন লোকে নিজৰ ঘৰলৈ পথেৰে গৈ থকা অৱস্থাত চন্দ্রপুৰৰ পৰা গুৱাহাটীলৈ গৈ থকা এ এছ–১৩–চি–১৭২১ নম্বৰৰ ইটাভর্তি এখন ড্রাকে লোকজনক মহটিয়াই নিয়ে৷ আৰু তীব্রবেগী ড্রাকখনে লোকজনক মহটিয়াই পলায়ন কৰে উক্ত স্থানৰ পৰা৷ ইয়াৰ পিছতেই স্থানীয় লোক ঘটনাস্থলীত উপস্থিত হৈ পানীখাইতী আৰক্ষী চকীত খবৰ দিয়ে৷ কিন্তু স্থানীয় লোকে অভিযোগ উত্থাপন কৰে যে খবৰ দিয়াৰ বহু পলমকৈ আৰক্ষীৰ লোক ঘটনাস্থলীত উপস্থিত হোৱাত ক্ষুব্ধ হৈ পৰে স্থানীয় লোক৷ ক্ষুব্ধ ৰাইজে ঘটনা সংঘটিত কৰা ড্রাকখনৰ চালকজনক কৰায়ত্ত কৰিবলৈ আৰক্ষীক দাবী জনায় উত্তাল কৰি তোলে পৰিৱেশ৷ তদুপৰি উত্তেজিত ৰাইজে মাজনিশালৈ নাৰেংগী–চন্দ্রপুৰ–ঘ্ অৱৰোধ কৰি ৰাখে৷ ফলত পৰিস্থিতি নিয়ন্ত্রণ কৰিবলৈ প্রাগজ্যোতিষপুৰ আৰক্ষী থানাৰ লোকৰ লগতে নুনমাটি আৰক্ষী থানাৰ অতিৰিক্ত আৰক্ষী আয়ুক্ত নীলোৎপল ডেকা ঘটনাস্থলীত উপস্থিত হয়৷ স্থানীয় লোকে আৰক্ষী আয়ুক্তগৰাকীক ৰাজপথত নিশাৰ ভাগত বালি আৰু ইটা কঢ়িওৱা ড্রাক আৰু ডাম্পাৰসমূহক নাকী লগাবলৈ দাবী উত্থাপন কৰে বুলি জানিবলৈ দিয়ে৷ ইপিনে আজি দিনৰ ভাগত মৃত পৰিয়ালৰ লোকে পানীখাইতী আৰক্ষী চকীত এখন এজাহাৰ দাখিল কৰা বুলি জানিব পৰা গৈছে৷