নিয়মীয়া বাৰ্তা, ১১ জুলাইঃ বিমানেৰে অহা যাত্ৰীসকললৈ সুখবৰ। আজি অনুষ্ঠিত হোৱা এখন সংবাদমেলত মন্ত্ৰী হিমন্ত বিশ্ব শৰ্মাই কয় যে এতিয়াৰে পৰা বিমানেৰে অসমলৈ অহা যাত্ৰীসকল কোৱাৰেণ্টাইন চেণ্টাৰত থাকিব নালাগে। Antigen টেষ্ট কৰা হ’ব আৰু লগে লগে হোম কোৱাৰেণ্টাইনত যাব পাৰিব। কিন্তু পজিটিভ হ’লে হাস্পতাললৈ লৈ যোৱা হ’ব বুলি মন্তব্য কৰে মন্ত্ৰীগৰাকীয়ে।
আনহাতে নিগেটিভ হ’লে ঘৰলৈ যাব পাৰিব আৰু হোম কোৱাৰেণ্টাইনত থাকিব লাগিব। হোটেলত নাথাকিলেও হ’ব কিন্তু এইখিনি সময়ত নিজকে সজাগ আৰু সচেতন হৈ থাকিলে ভাল বুলি মন্তব্য কৰে মন্ত্ৰীগৰাকীয়ে।