নিয়মীয়া বাৰ্তা, ৩০ এপ্ৰিলঃ বহু পৰিমাণৰ সোণৰ বিস্কুটসহ গ্ৰেপ্তাৰ ৰে’ল আৰক্ষীৰ উপ-পৰিদৰ্শক শ্ৰৱণ কুমাৰ ঝা। মাজনিশা বহু পৰিমাণৰ ধন-সোণসহ ফটাশিল আৰক্ষীয়ে গ্ৰেপ্তাৰ কৰে শ্ৰৱণ কুমাৰ ঝাসহ তেওঁৰ ভাতৃ সঞ্জয় কুমাৰ ঝাক। লগতে জব্দ কৰে ৭০লাখ টকাৰ সোণ আৰু নগদ ২২ লাখ টকা।
ৰে’লযাত্ৰীৰ সুৰক্ষাৰ নামত নিয়োজিত থকা শ্ৰৱণ কুমাৰ ঝাই আত্মসাৎ কৰিছিল প্ৰায় ৪৫লাখ টকাৰ সোণ। এই অভিযোগতেই নিলম্বিত হৈছিল ৰে’ল আৰক্ষীৰ উপ-পৰিদৰ্শকজন। লালমাটিৰ উপেন্দ্ৰ যাদৱ নামৰ এজন লোকৰ ঘৰত লুকুৱাই ৰাখিছিল আত্মসাৎ কৰা ধনখিনি। আনহাতে বুধবাৰে লুকুৱাই থোৱা ধনখিনি ভাতৃৰ সৈতে এখন বাইকৰে লৈ অহাৰ অৱস্থাতেই আৰক্ষীয়ে গ্ৰেপ্তাৰ কৰে দুয়োকে। বৰ্তমান ফটাশিল আৰক্ষীয়ে জেৰা অব্যাহত ৰাখিছে দুই ভাতৃক।