নিয়মীয়া বাৰ্তা ২১ অক্টোবৰঃ অহা ২২ অক্টোবৰৰ পৰা ৪৮ ঘণ্টাৰ বাবে বৃহত্তৰ গুৱাহাটী অঞ্চলৰ পেট্র’ল পাম্পসমূহ বন্ধ থাকিব৷ নর্থ–ইষ্ট ইণ্ডিয়া পেট্র’লিয়াম ডীলাৰ এছ’চিয়েচনৰ বৃহত্তৰ গুৱাহাটী গোটে এই সিদ্ধান্ত গ্রহণ কৰিছে৷ পেট্র’ল ডিপোৰ স্বত্বাধিকাৰীসকলে ভোগ কৰি অহা বিভিন্ন সমস্যা সমাধানৰ দাবীত যোৱা ২৭ ছেপ্ঢেম্বৰত এছ’চিয়েচনৰ কার্যালয়ত অনুষ্ঠিত এখন সভাত সর্বসন্মতিক্রমে এই সিদ্ধান্ত গ্রহণ কৰা হয় বুলি এছ’চিয়েচনৰ সভাপতি ৰাজীৱ গোস্বামী আৰু সম্পাদক দ্বিজেন চন্দ্র মহন্তই এই কথা জানিবলৈ দিছে৷ পেট্র’লিয়াম ডীলাৰ এছ’চিয়েচনৰ সদস্যসকলে ভোগ কৰি অহা দহদফীয়া দাবীৰ সমর্থনত এই সিদ্ধান্ত লোৱা হৈছে৷ এছ’চিয়েচনৰ সভাপতি–সম্পাদকে জনোৱা মতে, ২২ অক্টোবৰৰ পুৱা ৬ বজাৰ পৰা ২৪ অক্টোবৰৰ পুৱা ৬ বজালৈ বৃহত্তৰ গুৱাহাটীৰ সকলো পেট্র’ল পাম্প বন্ধ ৰখা হ’ব৷