নিয়মীয়া বার্তা ১ মেঃ মহানগৰীৰ নাৰেংগী আৰু পাথৰকোৱেৰী অঞ্চলত চিলিণ্ডাৰ চুৰি, লুটপাত সংঘটিত কৰি সন্ত্রাস সৃষ্টি কৰা তিনি চোৰক শুকুৰবাৰে নুনমাটি আৰক্ষীয়ে কৰায়ত্ত কৰিবলৈ সক্ষম হয়৷ আৰক্ষীয়ে দুটা চিলিণ্ডাৰসহ আটক কৰা ধৃত চোৰকেইটা হৈছে হেঙেৰাবাৰীৰ নুৰ হুছেইন (২২), পাথৰকোৱেৰীৰ মৃদুল দাস (২৭) আৰু নাৰেংগীৰ ঔঘুলিৰ অবিনাশ (২৩)৷ আৰক্ষী সূত্রই প্রকাশ কৰা অনুসৰি ধৃত চোৰকেইটাই কিছুদিন পূর্বে নাৰেংগী হাইস্কুলত গেছ চিলিণ্ডাৰ চোৰ কৰাৰ লগতে পাথৰকোৱেৰীৰ এখন গেলামাল দোকানত চুৰি কার্য সংঘটিত কৰিছিল৷ ইতিমধ্যে আৰক্ষীৰ জেৰাত ধৃত চোৰকেইটাই নাৰেংগী, পাথৰকোৱেৰী অঞ্চলত সংঘটিত কৰা চুৰি কার্যৰ কথা স্বীকাৰ কৰিছে বুলি আৰক্ষীৰ সূত্রত জনাইছে৷