নিয়মীয়া বাৰ্তা ১০ আগষ্টঃ অলপতে সাতগাঁৱত সংঘটিত হোৱা অপহৰণ–ডকাইতি কাণ্ডই নতুন মোৰ লৈছে৷ আৰক্ষীয়ে তদন্ত চলাই ঘটনাৰ সৈতে জড়িত অপহৰণকাৰী দিগন্ত বৰদলৈৰ বাসগৃহৰ পৰা কালি নিশা ১২ লক্ষাধিক টকা জব্দ কৰাৰ লগতে এটা পিষ্টলসহ ৫০ জাঁই সক্রিয় গুলী উদ্ধাৰ কৰে৷ ইপিনে, ঘটনাৰ সৈতে জড়িত হিমাংশু আগৰৱালাক আজি আৰক্ষীয়ে গ্রেপ্তাৰ কৰি সাতগাঁও থানাত মাৰাথন জেৰা অব্যাহত ৰাখিছে৷ উল্লেখ্য যে ধৃত আগৰৱালাই অনলাইনত জুৱা খেলৰ বৃহৎ চক্র গঢ়ি তুলিছিল৷ ঘটনা সন্দর্ভত পৰৱর্তী সময়ত আৰু অধিক তথ্য পোহৰলৈ অহাৰ সম্ভাৱনা ব্যক্ত কৰিছে আৰক্ষীয়ে৷