নিয়মীয়া বাৰ্তা, ২০ আগষ্টঃ মুখ্যমন্ত্রী ড০ হিমন্ত বিশ্ব শর্মাৰ নির্দেশত গুৱাহাটীৰ বেতকুছিস্থিত কামৰূপ মহানগৰ জিলাৰ জিলা পৰিবহণ বিষয়াৰ (পঞ্জীয়ন আৰু অনুজ্ঞা) কার্যালয়ৰ উদ্যোগত আন এক আদৰণীয় পদক্ষেপ গ্রহণ কৰিছে৷
ৰাইজৰ সেৱাত একনিষ্ঠভাৱে জড়িত আৰক্ষী আৰু সেনা জোৱানৰ বিভিন্ন ক্ষেত্রত কর্মস্থলৈ থিতাতে গাড়ী চলোৱাৰ শিকাৰু অনুজ্ঞা–পত্র প্রদানৰ আন এক প্রশংসনীয় পদক্ষেপ গ্রহণ কৰাৰ সিদ্ধান্ত লৈছে৷
সেই অনুসৰি ১৭ আগষ্টৰ পৰা মহানগৰীৰ বেতকুছিস্থিত জিলা পৰিবহণ বিষয়া কার্যালয়ত এমাহৰ বাবে প্রতিদিনে ১০গৰাকী আবেদনকাৰীক যান–বাহনৰ যাৱতীয় জ্ঞান প্রদান কৰি থিতাতে অনুজ্ঞা–পত্র প্রদান কৰিব৷
ইচ্ছুক আবেদনকাৰীসকলে অনুজ্ঞা–পত্রৰ বাবে নিজৰ নাম, ঠিকনা, বয়সৰ প্রমাণ–পত্রসহ ‘Parivahan Sewa’ portal অথবা http//sarathi.parivahan.gov.in/sarathi service ত অনলাইনযোগে আবেদন কৰিব লাগিব৷ তদুপৰি অনলাইন আবেদনৰ পিছত আবেদনকাৰীসকলে জিলা পৰিবহণ বিষয়াৰ কার্যালয়ৰ ৪৯ নম্বৰ কাউণ্টাৰত বয়স আৰু ঠিকনাৰ প্রমাণ–পত্র দাখিল কৰিব লাগিব৷