নিয়মীয়া বাৰ্তা, ১৭ জুনঃ মহানগৰীৰ নুনমাটিত অলপতে ঋতুপর্ণ পেগু নামৰ যুৱকজনক হত্যা কৰা ঘটনাত জড়িত হত্যাকাৰীৰ বিৰুদ্ধে কঠোৰ শাস্তিৰ দাবী জনাইছে জে বি আইন মহাবিদ্যালয়ৰ ছাত্র একতা সভাই৷
এক বিবৃতিত সভাৰ সভাপতি প্রশান্ত আগৰৱালাই পেগু হত্যাকাণ্ডক তীব্র গৰিহণা দিয়ে৷ লগতে এই হত্যাকাণ্ডৰ গোচৰটো ফাষ্ট ট্রেক আদালতত বিচাৰৰ ব্যৱস্থা কৰি হত্যাকাৰীক কঠোৰ শাস্তি দিবলৈ চৰকাৰক দাবী জনায়৷
ঋতুপর্ণ পেগুৰ হত্যাকাৰীক কঠোৰ শাস্তি দিয়াৰ দাবীত মহাবিদ্যালয়খনত ছাত্র–ছাত্রীসকলে আজি প্লেকার্ড লৈ প্রতিবাদ সাব্যস্ত কৰে৷ উল্লেখ্য যে শুকুৰবাৰে নুনমাটিত আৰমান ফার্নিছিং হোম নামৰ প্রতিষ্ঠানখনৰ প্রাক্তন কর্মচাৰী ঋতুপর্ণ পেগুক প্রতিষ্ঠানখনৰ স্বত্বাধিকাৰীকে ধৰি পৰিয়ালৰ লোকে নৃশংসভাৱে হত্যা কৰিছিল।