নিয়মীয়া বাৰ্তা, ৬ জানুৱাৰীঃ মহানগৰীৰ খাৰঘূলিত শোকাৱহ ঘটনা। নিশা অগ্নিদগ্ধ হৈ মৃত্যুক সাৱটিলে এগৰাকী বৃদ্ধাই। মৃত বৃদ্ধাগৰাকীৰ নাম ধনমায়া বিশ্বকৰ্মা। প্ৰায় ঘৰত অকলে আছিল মহিলাগৰাকী। অসুস্থ হৈ থকা ধনমায়া বিশ্বকৰ্মাৰ কন্যাই নিশা আহাৰ খুৱাই ঘৰলৈ গৈছিল। কিন্তু অতি দুৰ্ভাগ্যজনকভাৱে নিশা জ্বলি থকা এটা মাটি চাকিৰ পৰা জুই লগাৰ আশংকা কৰিছে স্থানীয় ৰাইজে।
আনহাতে পুৱাহে এই ঘটনা পোহৰলৈ আহে। নিশাই জ্বলি ধ্বংসস্তুপত পৰিণত হৈছিল বৃদ্ধাগৰাকীৰ বাসগৃহ। স্থানীয় ৰাইজে উমি উমি জ্বলি থকা জুই নুমুৱাবলৈ চেষ্টা কৰে। দীৰ্ঘদিনে বৃ্দ্ধাগৰাকীক চোৱাচিতা কৰিছিল কন্যাই। আনৰ ঘৰত ৰান্ধি-বাঢ়ি উপাৰ্জনৰ পথ উলিওৱা কন্যাই মাতৃৰ মৃত্যুত শোকত ভাঙি পৰিছে।