নিয়মীয়া বাৰ্তা, ১৬ অক্টোবৰঃ মহানগৰীৰ ভঙাগড় উৰণীয়া সেতুৰ তলত থকা ত্ৰিনয়ন শৰ্মা মিঠাইৰ দোকানত নিশা চোৰৰ লুটপাত। দোকানখনৰ টিন কাটি সোমায় চোৰৰ এটা দল। চোৰে মিঠাই খোৱাৰ লগতে লৈ যায় ভুজিয়াৰ পেকেট লগতে নগদ কিছু ধন। চিচি টিভি কেমেৰা ভাঙি সম্পূৰ্ণভাৱে প্ৰমাণ নষ্ট কৰি লুটপাত চলায় চোৰে।
উল্লেখ্য যে মহানগৰীত দৈনিক বৃদ্ধি পাইছে অপৰাধজনিত ঘটনা। চুৰি ডকাইটিকে ধৰি সকলো অপৰাধজনিত ঘটনা আৰক্ষীৰ নাকৰ তলতে ঘটি থকা পাছতো মহানগৰ আৰক্ষীয়ে গুৰুত্ব নিদিয়াৰ অভিযোগ উত্থাপন হৈছে।