নিয়মীয়া বার্তা, ১৯ জুনঃ গুৱাহাটীত অব্যাহত আছে ড্রাগ্ছৰ ৰমৰমীয়া বেহা৷ আৰক্ষী অপৰাধ শাখাই লাভ কৰা তথ্যৰ ভিত্তিত চানমাৰি আৰক্ষীৰ সহযোগত আজি গান্ধীবস্তিত অভিযান চলাই ড্রাগ্ছসহ এগৰাকী মহিলাক গ্রেপ্তাৰ কৰে৷
ধৃত চাহেৰা বেগম (৩২) নামৰ মহিলা ড্রাগ্ছ ব্যৱসায়ীগৰাকীৰ পৰা ১৬.৯১ গ্রাম ড্রাগ্ছভর্তি ১২টা কণ্টেইনাৰ জব্দ কৰে৷ জব্দকৃত ড্রাগ্ছখিনি ব্রাউন ছুগাৰ বুলি আৰক্ষীয়ে সন্দেহ প্রকাশ কৰিছে৷ ধৃত মহিলাগৰাকীৰ পৰা নগদ ৪৯২০ টকাও জব্দ কৰে৷
ইছলামপুৰ নিৱাসী চাহেৰাই গান্ধীবস্তিকে ধৰি মহানগৰীৰ বিভিন্ন স্থানত দীর্ঘদিন ধৰি ড্রাগ্ছৰ ব্যৱসায় চলাই আহিছিল৷