নিয়মীয়া বাৰ্তা ৫ আগষ্টঃ ড্রাগ্ছৰ বিৰুদ্ধে ধাৰাবাহিক অভিযান অব্যাহত ৰাখিছে৷ শেহতীয়াকৈ লতাশিল থানাৰ অৰক্ষীয়ে ড্রাগ্ছৰ বিৰুদ্ধে অভিযান চলাই ড্রাগ্ছসহ বহুকেইটা ড্রাগ্ছ ব্যৱসায়ীক গ্রেপ্তাৰ কৰিবলৈ সক্ষম হৈছে৷ লতাশিল থানাত ৰুজু হোৱা ২৭২/২১ নম্বৰৰ গোচৰটোৰ ভিত্তিত অভিযান চলাই ৯টাকৈ ড্রাগ্ছ সৰবৰাহকাৰীক গ্রেপ্তাৰ কৰে৷ অৰক্ষীয়ে জানিবলৈ দিয়া মতে উজানবজাৰ, খাৰঘুলি, পল্টনবজাৰ, পাণবজাৰকে ধৰি কেইবাটাও স্থানত অভিযান চলাই এই ড্রাগ্ছ সৰবৰাহকাৰীকেইজন্ গ্রেপ্তাৰ কৰে৷
ধৃত সৰবৰাহকাৰীকেইটা ক্রমে ৰুবুল আলী, পিংকু বিশ্বাস, অংকুৰ মতিব দেব, অভিজিৎ কাশ্যপ, বিক্রম ফাংছো, এথেম হাওপিট, নৱজিৎ পল, নাজিম আলী আৰু জাকিৰ আলী৷ ধৃত সৰবৰাহকাৰীকেইটাৰ্ পৰা ৭টা ড্রাগ্ছ ভর্তি কণ্টেইনাৰ, ৪ পেকেট হেৰ’ইন জব্দ কৰে৷ জব্দকৃত হিৰ’ইনখিনিৰ ওজন ৫৪.৭১ গ্রাম৷ অভিযানকাৰী দলটোৱে ভাৰত চৰকাৰৰ স্বাস্থ্য অৰু পৰিয়াল কল্যাণ মন্ত্রণালয়ৰ ফলক লগোৱা এ এছ ০১ ই কিউ ৬৪১৩ নম্বৰৰ বাহনখনৰ লগতে এ এছ ০১ ডি জেড ২২৯৫, এ এছ ০৩ এ ই ৩৩৯৫ নম্বৰৰ বাহন দুখন অৰু এ এছ ০১ ই বি ৪৫২৭ নম্বৰৰ এখন স্কুটী জব্দ কৰে৷