নিয়মীয়া বাৰ্তা, ৪ জানুৱাৰীঃ মালিগাঁৱৰ কালীবাৰী মন্দিৰৰ অতিথিশালাত আজি বিয়লি এজন যুৱকৰ মৃতদেহ উদ্ধাৰ হোৱা ঘটনাই তীব্র চাঞ্চল্যৰ সৃষ্টি কৰিছে৷ আৰক্ষীয়ে জানিবলৈ দিয়া মতে, মৃত যুৱকজন বিহাৰৰ অভিজিৎ ৰায়৷ যোৱা ৩০ ডিচেম্বৰৰ পৰা অতিথিশালাটোত থকা যুৱকজনক আজি বিয়লি অতিথি–শালাৰ কর্মচাৰীয়ে মৃত অৱস্থাত প্রত্যক্ষ কৰি আৰক্ষীক খবৰ দিয়ে৷ ঘটনা–স্থলীত আৰক্ষীৰ লোক উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে জিএমচিএইচলৈ প্রেৰণ কৰে৷ যুৱকজনৰ কোঠাৰ পৰা আৰক্ষীয়ে ড্রাগ্ছ আৰু ছীৰিঞ্জ উদ্ধাৰ কৰে৷ অত্যধিক ড্রাগ্ছ সেৱনৰ ফলতেই যুৱকজনৰ মৃত্যু হোৱা বুলি আৰক্ষীয়ে সন্দেহ প্রকাশ কৰিছে।