নিয়মীয়া বাৰ্তা, ২১ জুলাইঃ ক’ৰোনা ভাইৰাছৰ সংক্রমণ প্রতিৰোধৰ বাবে কামৰূপ (মহানগৰ) জিলাত বলৱৎ কৰা ২১ দিনীয়া লকডাউনৰ অন্তত শনিবাৰৰে পৰা আৰম্ভ হৈছে আনলক প্রক্রিয়া৷ ৰাজ্য চৰকাৰৰ মুখ্য সচিব কুমাৰ সঞ্জয় কৃষ্ণই ঘোষণা কৰা ‘আন লক ১.০’ৰ অধীনত প্রদান কৰা হৈছে কেতবোৰ শিঠিলতা৷
সেই অনুসৰি আজিৰে পৰা খোল খাব মহানগৰীৰ ৰেষ্টুৰেণ্টসমূহ। ৰেষ্টুৰেণ্টসমূহ খোলাৰ ক্ষেত্ৰত প্ৰযোজ্য নহ’ব সোঁফাল-বাওঁফাল নীতি।
ইপিনে ৰেষ্টুৰেণ্টসমূহ খোল খালেও ৰেষ্টুৰেণ্টসমূহৰ ভিতৰত বহি গ্ৰহণ কৰিব নোৱাৰিব খাদ্য । ৰেষ্টুৰেণ্টসমূহে কেৱল কৰিব পাৰিব হোম ডেলিভাৰীৰ ব্য়ৱস্থা। এক জাননীৰ জৰিয়তে এই কথা প্ৰকাশ কৰিলে কামৰূপ মহানগৰ জিলা দণ্ডাধীশে ।
উল্লেখ্য যে নির্দিষ্ট নীতি–নিয়মৰ অধীনত কামৰূপ মহানগৰ জিলাত ব্যৱসায়িক প্রতিষ্ঠান, চৰকাৰী–বেচৰকাৰী কার্যালয় খুলিবলৈ অনুমতি প্রদান কৰা হৈছে৷