নিয়মীয়া বাৰ্তা ১৪ আগষ্টঃ ক’ৰোনাকালত গুৱাহাটী মহানগৰীত বৃদ্ধি পাইছে ড্রাগ্ছ সৰবৰাহ৷ দুষ্টচক্রই লকডাউন–আনলকৰ সুযোগ গ্রহণ কৰি মহানগৰীত ড্রাগ্ছ সৰবৰাহ অব্যাহত ৰাখিছে৷ আজি আৰক্ষী অপৰাধ অনুসন্ধান শাখাই পাণবজাৰ আৰু লতাশিল আৰক্ষীৰ সহযোগত অভিযান চলাই লাখটকীয়াৰ পৰা দুই ড্রাগ্ছ সৰবৰাহকাৰী যুৱকক গ্রেপ্তাৰ কৰে৷ ধৃত ড্রাগ্ছ সৰবৰাহকাৰী দুজন ক্রমে মতিউৰ ৰহমান আৰু খলিলুৰ ৰহমান বুলি জানিব পৰা গৈছে৷
\আৰক্ষীৰ অভিযানকাৰী দলটোৱে ধৃত ড্রাগ্ছ সৰবৰাহকাৰী দুটাৰ পৰা বুজন পৰিমাণৰ ব্রাউন ছুগাৰ জব্দ কৰাৰ লগতে নগদ ৭০ হাজাৰ টকা আৰু কিছু আপত্তিজনক সামগ্রী জব্দ কৰিবলৈ সক্ষম হয়৷ ঘটনা সন্দর্ভত আৰক্ষীয়ে গোচৰ ৰুজু কৰি তদন্ত অব্যাহত ৰাখিছে৷ উল্লেখ্য যে ধৃত ড্রাগ্ছ সৰবৰাহকাৰী দুটাই মহানগৰীৰ বিভিন্ন প্রান্তত লকডাউনৰ সময়ছোৱাত ড্রাগ্ছ সৰবৰাহ কৰি আহিছে৷