নিয়মীয়া বার্তা, ৫ অক্টোবৰঃ প্রাক্তন ডিএছপি হর্ষিত বৰা মালিকানাধীন ছয়মাইলৰ উপাসনা লজত কালি আৰক্ষী অপৰাধ অনুসন্ধান শাখাই অতর্কিতে অভিযান চলায়৷ আৰক্ষী অপৰাধ শাখাই লাভ কৰা তথ্যৰ ভিত্তিত উপাসনা লজত অভিযান চলাই পিষ্টলসহ দুজন যুৱকক আটক কৰে৷
আটকাধীন যুৱক দুজন ক্রমে ডিব্রুগড়ৰ লাহোৱালৰ ধ্রুৱ দত্ত আৰু বৰবৰুৱাৰ বিমান গগৈ৷ আটকাধীন যুৱক দুজনৰ পৰা অভিযানকাৰী দলটোৱে এটা এয়াৰ পিষ্টল জব্দ কৰে৷ আৰক্ষী অপৰাধ শাখাই যুৱক দুজনক দিছপুৰ থানাৰ আৰক্ষীক চমজাই দিয়ে৷ দিছপুৰ থানাৰ আৰক্ষীয়ে ঘটনা সন্দর্ভত এতিয়ালৈকে কোনো গোচৰ ৰুজু কৰা নাই৷