নিয়মীয়া বার্তা, ৯ আগষ্টঃ কামাখ্যাৰ নাহৰবাৰীত কালি সংঘটিত এক ভয়ংকৰ পথ দুর্ঘটনাত এজন লোকৰ মৃত্যু হয়৷ আৰক্ষীয়ে জানিবলৈ দিয়া মতে, পুৱা প্রায় ৯.৩০ বজাত নাহৰবাৰীলৈ পানী কঢ়িয়াই নিয়া এএছ–০১–বিচি–৮৭৭৮ নম্বৰৰ টেংকাৰখনে নিয়ন্ত্রণ হেৰুৱাই পথৰ ওপৰতে বাগৰি পৰে৷
ফলত টেংকাৰখনৰ চালক বীৰেন ৰায় (৬০)ৰ ঘটনাস্থলীতে মৃত্যু হয়৷ কামাখ্যাৰ নামনিৰ পৰা নাহৰবাৰীলৈ পানীভর্তি টেংকাৰখন নি থকাৰ সময়তে এই শোকাৱহ পথ দুর্ঘটনাটো সংঘটিত হয়৷ উল্লেখ্য যে স্থানীয় ৰাইজে জানিবলৈ দিয়া মতে, পূর্বতেও উক্ত স্থানত কেইবাটাও পথ দুর্ঘটনা সংঘটিত হৈছে৷