নিয়মীয়া বাৰ্তা, ১৬ আগষ্টঃ বৰ্তমানো পলাতক জুবিন গাৰ্গক অশ্ৰাব্য গালি-গালাজৰে অপদস্থ কৰা ৬ যুৱক। কিন্তু ইয়াৰে ৫জন যুবকক চিনাক্ত কৰিছে মহানগৰ আৰক্ষীয়ে। উল্লেখযোগ্য যে বুধবাৰে নিশা প্ৰায় ১২.৪০ মিনিটত ৬জনীয়া সুৰাসক্ত এটা দলে গণেশগুৰিৰ গণেশ মন্দিৰৰ সমীপত আগচি ধৰিছিল জুবিন গাৰ্গক। নিশা ষ্টুডিঅ’ৰ কাম শেষ কৰি ঘৰলৈ উভিটিছিল শিল্পীগৰাকী।
ঘটনা সংঘটিত হোৱাৰ ৪দিনৰ পাছতো অভিযান চলাই আছে আৰক্ষীয়ে। শীঘ্ৰে দোষীক গ্ৰেপ্তাৰ কৰা হ’ব বুলি মন্তব্য কৰে মহানগৰ আৰক্ষী আয়ুক্তই। এই ঘটনাৰ মূল অভিযুক্ত আছিৰ NSUIৰ হীৰকজ্যোতি ৰাজবংশী। জুবিন গাৰ্গৰ এজাহাৰৰ ভিত্তিতেই মূল অভিযুক্তক চিনাক্ত কৰিব সক্ষম হৈছিল আৰক্ষী।