নিয়মীয়া বাৰ্তা, ৯ এপ্ৰিলঃ ক’ৰোনা ভাইৰাছ মহামাৰীৰ বাবেই চলিত বছৰৰ পুলিৎজাৰ বঁটা ঘোষণাত বিলম্ব হ’ব। পুলিৎজাৰ বঁটা প্ৰদান কমিটীৰ মুৰব্বী ডানা কানেডীয়ে সংবাদ মাধ্যমক জনাইছে এই তথ্য। উল্লেখনীয় যে পুলিৎজাৰ বঁটা কমিটীত সদস্য হিচাপে আছে কেইবাগৰাকীও বিশিষ্ট সাংবাদিক। লক্ষণীয়ভাৱে কমিটীৰ কেইবাগৰাকীও কমিটীৰ কেইবাগৰাকীও সাংবাদিকে বিশ্বজুৰি চলি থকা ক’ৰোনা ভাইৰাছৰ সংহাৰৰ ওপৰত সংবাদ পৰিৱেশনত নিয়োজিত হৈ আছে। সাংবাদিকসকলৰ এই ব্যস্ততাৰ বাবে ২০ এপ্ৰিলৰ পৰিৱৰ্তে ৪ মে’ত সাংবাদিকতা আৰু কলাৰ বাবে পুলিৎজাৰ বঁটা ঘোষণা কৰা হ’ব।