নিয়মীয়া বাৰ্তা, ২১ ফেব্ৰুৱাৰীঃ আগন্তুক ২৪ ফেব্রুৱাৰীত দুদিনীয়া ভ্রমণসূচীৰে ৰাষ্ট্রপতি স্বামী ড’নাল্ড ট্রাম্পৰ সৈতে ভাৰতত উপস্থিত হ’বলগীয়া মার্কিন ফার্ষ্ট লেডী মেলানিয়া ট্রাম্পে দিল্লীৰ এখন চৰকাৰী বিদ্যালয় পৰিদর্শন কৰিব৷
২৫ ফেব্রুৱাৰীত বিদ্যালয়খনৰ ছাত্র–ছাত্রীসকলৰ সৈতে মত বিনিময় কৰিব মেলানিয়া ট্রাম্পে৷ কেজৰিৱাল চৰকাৰে বিদ্যালয়ত আৰম্ভ কৰা সুখ সন্দর্ভত পাঠ্যক্রমৰ বুজ ল’ব মার্কিন ফার্ষ্ট লেডীগৰাকীয়ে৷ ভ্রমণসূচীৰ দ্বিতীয় দিনাখন দিল্লীৰ বিদ্যালয়খনত মেলানিয়া উপস্থিত হ’ব বুলি ইতিমধ্যে কেজৰিৱাল চৰকাৰেও সদৰী কৰিছে৷