নিয়মীয়া বাৰ্তা, ১৭ মেঃনেদাৰলেণ্ডছৰ প্রশাসনিক কর্তৃপক্ষই কালি জানিবলৈ দিছে যে দেশখনৰ প্রথমটো কুকুৰৰ গাত ক’ৰোনাৰ সংক্রমণ ধৰা পৰিছে৷ ইয়াৰ উপৰি তিনিটাকৈ মেকুৰীও সংক্রমিত হৈছে এই মহামাৰীত৷ অৱশ্যে জীৱ–জন্তুৰ পৰা ক’ৰোনাৰ সংক্রমণ বৃদ্ধিৰ সম্ভাৱনা অত্যন্ত কম৷
নেদাৰলেণ্ডছৰ কৃষিমন্ত্রী কাৰ’লা চৌটেনে কয় যে এজন ক’ৰোনা আক্রান্ত ব্যক্তিৰ পৰা তেওঁৰ এটা পোহনীয়া কুকুৰলৈ ক’ভিড–১৯ৰ সংক্রমণ ঘটে৷ আনহাতে, এখন মিংক ফার্মত তিনিটাকৈ মেকুৰীৰ গাত ক’ৰোনাৰ সংক্রমণ ঘটা বুলি পোহৰলৈ আহিছে৷