নিয়মীয়া বাৰ্তা, ২৯ জুন: আমেৰিকাত কমপক্ষেও ৪৫জনৰ মৃতদেহ উদ্ধাৰ কৰা হৈছে এখন ট্রাকৰ ভিতৰৰ পৰা৷ আশংকাজনক অৱস্থাত চিকিৎসালয়ত ভর্তি কৰা হৈছে ১৬জনক৷ টেক্সাছৰ ৰে’লপথৰ সমীপত পৰিত্যক্ত অৱস্থাত আছিল এই ট্রাকখন৷ শৰণার্থী কঢ়িয়াই আনিছিল ট্রাকখনে৷ কেনেদৰে এই ভয়াৱহ দুর্ঘটনা সংঘটিত হ’ল তাক লৈ কোনোধৰণৰ তথ্য সদৰী কৰা নাই স্থানীয় আৰক্ষীয়ে৷ মেক্সিকোৰ তৰফৰ পৰা সদৰী কৰা অনুসৰি প্রচণ্ড গৰমৰ বাবে ট্রাকৰ ভিতৰত এই লোকসকলৰ মৃত্যু হৈছে৷ কোন দেশৰ শৰণার্থী ট্রাকখনে কঢ়িয়াই আনিছিল সেয়া জানিব পৰা হোৱা নাই৷