নিয়মীয়া বাৰ্তা, ২২ ফেব্ৰুৱাৰীঃ সন্ধানহীন হৈ ১২ বছৰ থকাৰ পিছত কেলিফ’র্নিয়াত পুনৰ গৰাকীৰ সৈতে মিলিত হোৱাৰ সুযোগ লাভ কৰিলে এটা কুকুৰে৷ জ’য়ী নামৰ কুকুৰটোক এখন বাহনৰ পৰা উদ্ধাৰ কৰা হয় ষ্টকটন চহৰত৷ তাৎক্ষণিকভাৱে কুকুৰটো উদ্ধাৰ কৰা লোকজনে এই খবৰ দিয়ে আৰক্ষীক৷ বন্য প্রাণীৰ সুৰক্ষাৰ দায়িত্বত থকা সংশ্লিষ্ট বিভাগৰ এগৰাকী বিষয়াই এই কুকুৰটোৰ মাইক্র’চিপ স্কেন কৰে৷ তেতিয়া এই কথা পোহৰলৈ আহে যে কুকুৰটো ২০১০ চনৰ পৰা নিখোজ হৈ আছে৷ তাৎক্ষণিকভাৱে জ’য়ীৰ গৰাকী মিচেলক খবৰ দিয়াৰ লগতে কুকুৰটো গতাই দিয়া হয়৷ এই ঘটনাই সংবাদ মাধ্যমত এতিয়া আলোড়ন সৃষ্টি কৰিছে৷