নিয়মীয়া বাৰ্তা ১৫ আগষ্টঃ কেইবাদশক ধৰি যুদ্ধ–সংঘর্ষ অব্যাহত থকা আফগানিস্তানত বহু কিশোৰ–কিশোৰীয়ে আত্মৰক্ষাৰ বাবে হাতত তুলিবলগীয়া হৈছে মাৰণাস্ত্র৷ শেহতীয়াকৈ ১৫ বছৰীয়া কিশোৰী নুৰিয়াৰ কাহিনীয়ে দেশখনৰ সংবাদ মাধ্যমত সৃষ্টি কৰিছে আলোড়ন৷ কিশোৰী নুৰিয়াই পৰিয়ালক আক্রমণ কৰিবলৈ অহা দুজন লোকক হত্যা কৰাৰ উপৰি আন এজনক গুৰুতৰভাৱে আহত কৰে৷
হাতত এ কে–৪৭ লৈ যোৱা মাহত পার্বত্য অঞ্চলৰ গাঁৱৰ বাসগৃহত স্বামীৰ সৈতে দুজন লোকে আক্রমণ কৰিবলৈ আহিছিল নুৰিয়াক৷ তেতিয়াই নুৰিয়াই সাহসিকতাৰ পৰিচয় দি পিতৃ–মাতৃক ৰক্ষা কৰাৰ বাবে হাতত বন্দুক তুলি লয়৷ বি বি চিৰ সৈতে হোৱা এক সাক্ষাৎকাৰত নুৰিয়াই উল্লেখ কৰিছে যে নিজ পিতৃ–মাতৃক ৰক্ষা কৰাৰ বাবে দুর্বৃত্তক সন্মুখৰ পৰা আক্রমণৰ গত্যন্তৰ নাছিল৷ শেহতীয়াকৈ নুৰিয়াৰ কাহিনীয়ে আফগানিস্তানত যুদ্ধ–সংঘর্ষই কেনেদৰে কিশোৰ–কিশোৰীসকলক হাতত অস্ত্র তুলি ল’বলৈ বাধ্য কৰাইছে, তাৰেই প্রতিফলন ঘটাইছে৷