নিয়মীয়া বাৰ্তা, ১৯ মেঃ আমেৰিকাৰ ৰাষ্ট্রপতি জ’ বাইডেন আৰু উপ–ৰাষ্ট্রপতি কমলা হেৰিছৰ উপার্জন ২০২০ চনত নাটকীয়ভাৱে হ্রাস পাইছিল৷ বাইডেনৰ উপার্জন উক্ত বর্ষটোত ৬,০৭,৩৩৬ ডলাৰলৈ হ্রাস পাইছিল আইকৰ আদায় দিয়াৰ বাবে৷ বাইডেল আৰু ফার্ষ্টলেডী জিলে বর্ষটোত আয়কৰ আদায় দিছিল ১,৫৭,৪১৪ ডলাৰ৷ অর্থাৎ বর্ষটোত আয়কৰ হিচাপে বাইডেন দম্পতীয়ে আদায় দিছিল ২৫.৯ শতাংশ ধন৷ ব্লুমবার্গ নিউজে আজি এক প্রতিবেদনত সদৰী কৰিছে এই তথ্য৷
ইফালে ডেলাৱাৰে প্রদেশৰ কৰ হিচাপে বাইডেন দম্পতীৰ ২৮৭৯৪ ডলাৰ আদায় দিয়াৰ উপৰি ভার্জিনিয়াত আদায় দিছিল ৪৩৩ ডলাৰ৷ সেইদৰে ২০২০ চনত কমলা হেৰিছৰ আৰু তেওঁৰ স্বামী ডগ এমহ’ফে আদায় দিছিল ৬,২১,৮৯৩ ডলাৰ আয়কৰ৷ তেওঁলোকৰ বর্ষটোত মুঠ উপার্জন আছিল ১৬,৯৫,২২৫ ডলাৰ৷ অর্থাৎ মুঠ উপার্জনৰ ৩৬.৭ শতাংশ ধন আয়কৰ হিচাপে আদায় দিছিল হেৰিছ দম্পতীয়ে৷