বিশেষ বাৰ্তা, ১১ ডিচেম্বৰঃ ইংলেণ্ড আৰু ৱেলছ ক্ৰিকেট ব’ৰ্ডে ভাৰতৰ বিৰুদ্ধে পাঁচখন খেলৰ টেষ্ট শৃংখলাৰ বাবে নিজৰ দল ঘোষণা কৰিছে। ২৫ জানুৱাৰীৰ পৰা আৰম্ভ হ’বলগীয়া এই টেষ্ট শৃংখলাৰ বাবে ইংলেণ্ডে ১৬জনীয়া দল ঘোষণা কৰিছে। তাৰকা অলৰাউণ্ডাৰ ছেম কৰন আৰু উইকেটকীপাৰ বেটছমেন জছ বাটলাৰে এই দলত স্থান লাভ কৰা নাই। ইংলেণ্ডে ভাৰতৰ বিৰুদ্ধে টেষ্ট শৃংখলাৰ বাবে দলত অন্তৰ্ভুক্ত কৰিছে তিনিখন নতুন মুখ। ইয়াৰ ভিতৰত আছে শ্বোয়াইব বছিৰ, টম হাৰ্টলি আৰু গাছ এটকিনছন। অলি পোপ দলটোৰ উপ-অধিনায়ক। ইংলেণ্ডে নিজৰ দলত টম হাৰ্টলী, জেক লিচ আৰু ৰেহান আহমেদৰ ৰূপত তিনিজন স্পিনাৰ অন্তৰ্ভুক্ত কৰিছে। জানুৱাৰী মাহত বেন ষ্ট’কছ নেতৃত্বাধীন দলটোৱে পাঁচখন খেলৰ টেষ্ট শৃংখলাৰ বাবে ভাৰত ভ্ৰমণ কৰিব। শৃংখলাৰ প্ৰথমখন টেষ্ট অহা ২৫ জানুৱাৰীৰ পৰা হায়দৰাবাদত অনুষ্ঠিত হ’ব। ইয়াৰ পিছত ২ ফেব্ৰুৱাৰীৰ পৰা ভাইজাগত দ্বিতীয়খন টেষ্ট, ১৫ ফেব্ৰুৱাৰীৰ পৰা ৰাজকোটত তৃতীয়খন টেষ্ট, ২৩ ফেব্ৰুৱাৰীৰ পৰা ৰাঁচীত চতুৰ্থখন টেষ্ট আৰু ৭ মাৰ্চৰ পৰা ধৰ্মশালাত অন্তিম টেষ্ট অনুষ্ঠিত হ’ব। ভাৰতৰ বিৰুদ্ধে পাঁচখন খেলৰ টেষ্ট শৃংখলাৰ বাবে ঘোষিত ইংলেণ্ড দলটো – বেন ষ্ট’কছ (অধিনায়ক), ৰেহান আহমেদ, জেমছ এণ্ডাৰছন, গাছ এটকিনছন, জনী বেয়াৰষ্ট’ (উইকেটকীপাৰ), শ্বোয়াইব বছিৰ, হেৰী ব্ৰুক, জেক ক্ৰ’লি, বেন ডাকেট, বেন ফক্স (উইকেটকীপাৰ), টম হাৰ্টলি, জেক লিচ, অলি পোপ, অলি ৰবিনছন, জো ৰুট আৰু মাৰ্ক উড।
#বাৰ্তা ডেস্ক