মেক্সিকোৰ গায়কৰ কার্যত ছ’চিয়েল মিডিয়াত জ্বৰঃ মূৰৰ লাওখোলাত সোণৰ জিঞ্জিৰিৰে চমক

নিয়মীয়া বাৰ্তা, ১৫ ছেপ্টেম্বৰ: মেক্সিকান গায়ক ডান ছাৰে নিজৰ মূৰৰ লাওখোলাত অস্ত্রোপচাৰৰ জৰিয়তে সোণৰ চেইন সংলগ্ণ কৰা ঘটনাক লৈ নেট মাধ্যমত সৃষ্টি হৈছে চাঞ্চল্য৷ ছ’চিয়েল মিডিয়াত গায়কগৰাকীয়ে মুকলি কৰি দিয়া আলোকচিত্রই ইতিমধ্যে জ্বৰ তুলিছে৷

এই নতুন বেশভূষাৰে এক সংগীত ভিডিঅ’ মুকলি কৰি দি গায়কগৰাকীয়ে কৈছে যে মানৱ ইতিহাসত তেওঁ প্রথমগৰাকী এনে গায়ক, যিয়ে সোণৰ চুলিৰে সংগীত পৰিৱেশন কৰিব৷ উল্লেখনীয় যে তেওঁৰ লাওখোলাত অস্ত্রোপচাৰৰ জৰিয়তে বহুত সোণৰ জিঞ্জিৰি লগাই লৈছে ২৩ বছৰীয়া গায়কগৰাকীয়ে৷

ইফালে, গায়কগৰাকীৰ এনে কার্যক লৈ বিশ্বৰ চিকিৎসকসকলৰ মাজত সৃষ্টি হৈছে কৌতূহল৷ আনফালে, ছ’চিয়েল মিডিয়া ব্যৱহাৰকাৰীসকলেও গায়কগৰাকীৰ এনে কার্যক এক উন্মাদনা বুলি অভিহিত কৰিছে৷