নিয়মীয়া বাৰ্তা, ১৭ মেঃ ভাৰতৰ চুবুৰীয়া দেশ পাকিস্তানতো ন’ভেল ক’ৰোনা ভাইৰাছৰ সংক্রমণ তীব্র গতিত বৃদ্ধি পাইছে৷ যোৱা ২৪ ঘণ্টাত দেশখনত ১৫৮১ টা আক্রান্তৰ ঘটনা পোহৰলৈ আহিছে৷
শেহতীয়া তথ্য অনুসৰি দেশখনত ৩৮,৭৯৯ জন লোক ক’ৰোনাত আক্রান্ত হৈছে আৰু ৮৩৪ জন লোকে এই মহামাৰীত প্রাণ হেৰুৱাইছে৷ দেশখনৰ স্বাস্থ্য মন্ত্রালয়ৰ তথ্য মতে পঞ্জাবত ১৪,২০১টা, সিন্ধত ১৪,৯১৬টা, খাইবাৰ পাখটুনখাৱাত ৫,৬৭৮টা, বেলুচিস্তানত ২,৪৫৭টা, গিলগিট বাল্টিস্তানত ৫১৮টা, ইছলামাবাদত ২৯১টা আৰু পাক অধিকৃত কাশ্মীৰত ১০৮টা ক’ৰোনা সংক্রমণৰ ঘটনা পোহৰলৈ আহিছে৷ এই সময়ছোৱাত ১০,৮৮০জন লোকে ক’ৰোনাৰ পৰা আৰোগ্য লাভ কৰিছে৷
উল্লেখ্য যে ক’ৰোনা ভাইৰাছৰ সংক্রমণৰ বাবে পাকিস্তান ব্যাপক ৰূপত অর্থনৈতিক সংকটৰ সন্মুখীন হৈছে৷ যাৰ বাবে প্রধানমন্ত্রী ইমৰান খানে কিছুমান প্রদেশত লকডাউন কিছু শিথিল কৰাৰ চিন্তা কৰিছে৷ যোৱা সপ্তাহত প্রধানমন্ত্রীজনে দেশত ৰে’লসেৱা আৰু ৰাজহুৱা পৰিবহণ ব্যৱস্থা কঠোৰ সাৱধানতামূলক নির্দেশনাৰ মাজেৰে বলৱৎ কৰাৰ চিন্তা কৰা বুলি জানিবলৈ দিছিল৷