নিয়মীয়া বাৰ্তা, ২৩ ডিচেম্বৰঃ ৰাষ্ট্রপতি ৰামনাথ কোৱিন্দে কালি কোচিত ভাৰতে নিজস্ব প্রযুক্তিৰে নির্মাণ কৰি থকা যুদ্ধবিমান পৰিবাহী আই এ চি বিক্রান্ত পৰিদর্শন কৰে৷ ইয়াৰ উপৰি ৰাষ্ট্রপতিগৰাকীয়ে এৰনাকুলাম চেনেলত নৌ–সেনাৰ বিভিন্ন অনুশীলনো পৰিদর্শন কৰে৷ কেৰালাৰ ৰাজ্যপাল আৰিফ মহম্মদ খান আৰু নৌ–সেনাৰ বিষয়া ফ্লেগ অফিচাৰ কমাণ্ডিং–ইন–চীফ ভাইচ এডমিৰেল এম এ হাম্পিহলিও ৰাষ্ট্রপতিগৰাকীৰ সৈতে এই পৰিদর্শন কালত উপস্থিত থাকে৷ স্মর্তব্য যে বিভিন্ন কার্যসূচী লৈ ৰাষ্ট্রপতিগৰাকী আজি কেৰালাত উপস্থিত হৈছে৷ ভাৰতে নিজস্ব প্রযুক্তিৰে নির্মাণ কৰি থকা বিক্রান্তৰ নামত মুঠ ২০ হাজাৰ কোটি টকা খৰচ হ’ব৷