নিয়মীয়া বাৰ্তা ১১ ফেব্ৰুৱাৰীঃ ওড়িশাৰ গ’ঞ্জাম জিলাৰ গোলানথাৰা অঞ্চলত এখন বাছ বিদ্যুৎপ্রৱাহী তাঁৰৰ সংস্পর্শলৈ অহাৰ পিছত ১০গৰাকী লোকৰ মৃত্যু হোৱাৰ উপৰি আন ৩০গৰাকী গুৰুতৰভাৱে আহত হৈছে৷ মৃত্যু হোৱা লোকসকলৰ ভিতৰত তিনিটা শিশু আৰু তিনিগৰাকী মহিলাও আছে৷ আৰক্ষী সূত্রই সদৰী কৰা অনুসৰি, এক বিবাহ অনুষ্ঠানৰ পূর্বৰ মাংগলিক কার্যত অংশগ্রহণৰ বাবে গ’ঞ্জামৰ ছিখাৰাডা গাঁৱলৈ ডাংগুলুপাডু নামৰ গাঁওখনৰ বাবে প্রায় ৪০গৰাকী লোক বাছখনেৰে আহি থকা সময়তে ১১ কেভি বিদ্যুৎ পৰিবাহী তাঁৰ বাছখনৰ সংস্পর্শলৈ আহে৷ এই শোকাৱহ ঘটনাৰ পিছতে বিদ্যুৎ বিভাগৰ বিৰুদ্ধে অঞ্চলটোত সৃষ্টি হৈছে তীব্র বিক্ষোভ৷