নিয়মীয়া বার্তা, ২৭মেঃ প্রধানমন্ত্রী নৰেন্দ্র মোদী আৰু উত্তৰ প্রদেশৰ মুখ্যমন্ত্রী যোগী আদিত্যনাথৰ বিৰুদ্ধে অপমানজনক মন্তব্য আগবঢ়োৱা বাবে কংগ্রেছ নেত্রী অলকা লাম্বাৰ বিৰুদ্ধে উত্তৰ প্রদেশৰ হজৰতগঞ্জ আৰক্ষী থানাত ৰুজু হৈছে গোচৰ৷ লক্ষ্ণৌৰ হজৰতগঞ্জ আৰক্ষী থানাত এই গোচৰ ৰুজু কৰা হৈছে উত্তৰ প্রদেশ শিশু সুৰক্ষা আয়োগৰ সদস্যা ড০ প্রীতি বার্মাৰ এজাহাৰৰ ভিত্তিত৷ উল্লেখনীয় যে ছ’চিয়েল মিডিয়াত প্রধানমন্ত্রী মোদী আৰু যোগী আদিত্যনাথৰ বিৰুদ্ধে আপত্তিজনক শব্দ ব্যৱহাৰ কৰি এক ভিডি’ মুকলি কৰিছিল অলকা লাম্বাই৷ ‘বেটী বচাও’ প্রচাৰক এক ফ্ল’প শ্ব’ আখ্যা দি মোদী আৰু যোগীৰ বিৰুদ্ধে লাম্বাই আপত্তিজনক মন্তব্য আগবঢ়োৱাৰ পাছতেই এই গোচৰ ৰুজু কৰা হৈছে৷