নিয়মীয়া বাৰ্তা, ৩১ মাৰ্চঃ দেশত ক’ৰোনা ভাইৰাছৰ দ্ৰুত বিস্তাৰ ঘটাৰ লগে লগে বিভিন্ন ক্ষেত্ৰৰ সৈতে জড়িত লোকে এই ভাইৰাছৰ সংক্ৰমণৰ প্ৰতিৰোধ লগোৱা কাৰ্যত নিয়োজিত হৈছে ।
শেহতীয়াকৈ মুম্বাইৰ ছবিজগতৰ অভিনেত্ৰী শিখা মালহোত্ৰাই এখন হাস্পতালত নাৰ্চৰ কামত নিয়োজিত হৈছে । ২০১৪ চনত শিখাই নাৰ্চিঙৰ ডিগ্ৰী লাভ কৰিছিল ।
কিন্তু ইয়াৰ পাছতে ছবিজগতত অভিনেত্ৰী হিচাপে ভুমুকি মাৰে শিখাই ।
২০১৬ চনত শ্বহৰুখ খান অভিনীত ফান নামৰ ছবিখনত এটি চৰিত্ৰত অভিনয় কৰা শিখা মালহোত্ৰাই মুম্বাইৰ হাস্পতালত কৰ্তব্যত নিয়োজিত হৈয়ে ইনষ্টাগ্ৰামযোগে নিজৰ ফটো চেয়াৰ কৰে । লগতে কয়- ক’ৰোনা ভাইৰাছৰ বিৰুদ্ধে যুঁজ দিয়াৰ বাবে তেওঁ সদায়ে সাজু ।