নিউজডেস্ক, ১৬ ডিচেম্বৰঃ নর্ভয়া গণধর্ষণ কাণ্ডৰ চাৰি অপৰাধীক ফাঁচি দিবলৈ জল্লাদ হ’বলৈ সাজু বুলি গৃহমন্ত্রী অমিত শ্বাহলৈ তেজেৰে লিখা পত্র প্রেৰণ কৰিছে আন্তঃৰাষ্ট্রীয় শ্বুটাৰ ভার্টিকা সিঙে ৷
সংবাদ মাধ্যমৰ সন্মুখত ক্রীড়াবিদগৰাকীয়ে দেওবাৰে কয় যে নতুন দিল্লীৰ বর্বৰ গণধর্ষণ কাণ্ডত জড়িত চাৰি নৰপিশাচক ফাঁচি দিয়াৰ অনুমতি তেওঁক প্রদান কৰা উচিত ৷ ইয়ে সমগ্র দেশলৈ এক শক্তিশালী বার্তা কঢ়িয়াই নিব যে এগৰাকী মহিলায়ো জল্লাদ হৈ ধর্ষণকাৰীক ফাঁচি দিব পাৰে ৷
‘ধর্ষণকাৰীয়ে এক শিক্ষা পোৱা উচিত যে ভাৰতত এগৰাকী মহিলাই তেওঁলোকক মৃত্যুদণ্ড দিব পাৰে ৷ এইক্ষেত্রত মই দেশৰ মহিলা সাংসদ তথা অভিনেত্রীসকলৰ সমর্থন বিচাৰোঁ ৷ এগৰাকী মহিলাই জল্লাদৰ দায়িত্ব লাভ কৰিলে, ইয়ে সমাজলৈ এক পৰিৱর্তন আনিবলৈ সক্ষম হ’ব বুলি মই আশাবাদী ৷ এইখন দেশত মহিলাসকলে ভয় আৰু শংকাৰে জীৱন কটাব নালাগে ৷’ –শ্বুটাৰ ভার্টিকা সিঙে এইদৰে কয় ৷
উল্লেখ্য যে ২০১২ৰ ১৬ ডিচেম্বৰত নতুন দিল্লীৰ ৰাজপথত এখন চলন্ত বাছৰ ওপৰত ২৩ বছৰীয়া যুৱতী নির্ভয়া চাৰি নৰপিশাচৰ গণধর্ষণৰ বলি হৈ মৃত্যুবৰণ কৰিছিল ৷