নিয়মীয়া বাৰ্তা, ২৯ এপ্ৰিলঃ বলীউদৰ বিশিষ্ট অভিনেতা ইৰফান খানৰ মৃত্য়ু। ৫৩ বছৰ বয়সত মুম্বাইৰ কোকিলাবেন হাস্পতালত মৃত্যু হয় বিশিষ্ট অভিনেতাজনৰ। দীৰ্ঘদিনে দুৰাৰোগ্য ৰোগত আক্ৰান্ত হৈ আছিল অভিনেতাজন। মঙলবাৰে অতি সংকটজনক অবস্থাত হাস্পতালত ভৰ্তি কৰোৱা হৈছিল যদিও নিয়তিৰ ওচৰত হাৰ মানিলে অভিনেতাজনে।
আনহাতে দুদিন পূৰ্বে ইৰফান খানৰ মাতৃৰ বিয়োগ ঘটিছিল। অসুস্থতাৰ বাবেই মাতৃৰ শেষকৃত্যত অংশ ল’ব পৰা নাছিল অভিনেতাজনে। তেখেতৰ শেষৰখন চিনেমা আছল ‘অংগৰেজি মিডিয়াম’। বলিষ্ঠ অভিনয়ৰে দৰ্শকৰ মন্ত্ৰমুগ্ধ কৰিছিল অভিনেতাগৰাকীয়ে। হলীউদ-বলীউদকে ধৰি বহু সংখ্যক চিনেমাত অভিনয় কৰাৰ উপৰিও পদ্মশ্ৰী, ফিল্মফেয়াৰকে ধৰি বহু সন্মানৰে বিভূষিত অভিনেতাজনৰ মৃৃত্যুত শোকস্তব্ধ বলীউদজগতৰ লগতে অনুৰাগীসকল।