নিয়মীয়া বাৰ্তা, ৬ মার্চঃ তিনিটাকৈ সক্রিয় গুলী লৈ সংসদত প্রৱেশৰ চেষ্টা চলোৱা এগৰাকী ব্যক্তিক বৃহস্পতিবাৰে সুৰক্ষা বাহিনীয়ে গ্রেপ্তাৰ কৰে ৷ উত্তৰ প্রদেশৰ গাজিয়াবাদৰ আখতাৰ খান নামৰ ৪৪ বছৰীয়া ব্যক্তিগৰাকীয়ে ৮ নম্বৰ গেটেৰে সংসদৰ ভিতৰত প্রৱেশৰ চেষ্টা চলোৱাৰ সময়ত আৰক্ষীৰ জালত পৰে ৷ নিয়মীয়া তালাচীত আৰক্ষীয়ে তেওঁৰ পৰা তিনিটা সক্রিয় গুলী উদ্ধাৰ কৰে ৷ প্রকৃতার্থত তেওঁ গুলীকেইটা সংসদত প্রৱেশৰ পূর্বে পকেটৰ পৰা উলিয়াই থ’বলৈ পাহৰি যায় ৷ আৰক্ষীয়ে তেওঁক গুলীৰ সৈতে গ্রেপ্তাৰ কৰে যদিও ভেৰিফিকেচনৰ অন্তত আখতাৰ খান নামৰ ব্যক্তিগৰাকীক মুকলি কৰি দিয়া হয় ৷