নিয়মীয়া বাৰ্তা, ১৯ আগষ্ট: স্বাধীনতা দিৱস উদযাপনৰ আয়োজন কৰা হৈছিল থানাত৷ এই অনুষ্ঠানত ‘নাগিন ডেন্স’ প্রদর্শন কৰি শাস্তিৰ সন্মুখীন হৈছে দুজন আৰক্ষী৷ দুযোজন আৰক্ষীকে তাৎক্ষণিকভাৱে অন্য স্থানলৈ বদলি কৰা হৈছে৷ সংবাদ সংস্থা এএনআইৰ প্রতিবেদন অনুসৰি ঘটনাটো ঘটিছে উত্তৰ প্রদেশৰ কোটৱালি জিলাৰ এখন থানাত৷ দুই আৰক্ষী কর্মীৰ নৃত্যৰ ভিডিঅ’ পোহৰলৈ অহাৰ লগে লগে ৰাজ্যখনত চাঞ্চল্য সৃষ্টি হয়৷ আৰক্ষী কর্মী দুজনে নাগিন ডেন্স প্রদর্শন কৰি থকা সময়ত তেওঁলোকৰ সতীর্থসকলে ইয়াৰ আনন্দ লোৱাও পৰিলক্ষিত হৈছিল৷ আৰক্ষী দুজনৰ মাজত এজন উপ–পৰিদর্শক আৰু এজন চিপাহী আছে৷ দুয়োজন আৰক্ষীক কোন স্থানলৈ বদলি কৰা হৈছে সেই তথ্য অৱশ্যে এএনআয়ে সদৰী কৰা নাই৷