নিয়মীয়া বাৰ্তা, ২০ জানুৱাৰীঃ হিমালয়ৰ এক শৃংগ আৰোহণলৈ যোৱা ৬গৰাকীকৈ আৰোহী সন্ধানহীন হৈ আছে৷ উত্তৰ–পশ্চিম নেপালত সংঘটিত হৈছে এই ঘটনা৷ যোৱা শুকুৰবাৰে বিশাল বৰফৰ খণ্ড এটা খহি অহাৰ পিছতেই পর্বতাৰোহীকেইজন সন্ধানহীন হৈ পৰে৷
উল্লেখনীয় যে অন্নপূর্ণা অঞ্চলৰ শিবিৰৰ পৰা পর্বতাৰোহীকেইজনে যাত্রা কৰাৰ পিছতেই হিমস্খলনৰ ঘটনা সংঘটিত হয়৷ ঘন তুষাৰপাতৰ বাবে সন্ধানহীন পর্বতাৰোহীকেইজনৰ উদ্ধাৰ অভিযান সম্ভৱ হোৱা নাই৷ এই অভিযানকাৰীসকলৰ ভিতৰত চাৰিজন দক্ষিণ কোৰিয়াৰ আৰু দুজন নেপালৰ নাগৰিক আছে৷ স্মর্তব্য যে চলিত বর্ষটোত হিমালয়ত সংঘটিত হৈছে কেইবাটাও দুর্ঘটনা৷