নিয়মীয়া বাৰ্তা ১৪ এপ্ৰিলঃ ক’ৰোনা ভাইৰাছৰ বাবে দেশত চলি থকা লকডাউনত ব্যাপক ক্ষতিৰ সন্মুখীন হোৱা দৰিদ্ৰ পৰিয়ালক সহায়ৰ বাবে আগবাঢ়ি আহিছে মুন্নাভাই ৰূপে পৰিচিত অভিনেতা সঞ্জয় দত্ত । আজি অভিনেতা সঞ্জয় দত্তই লকডাউনত খাদ্য সংকটত ভুগি থকা ১০০০ টা পৰিয়ালক সহায় কৰাৰ কথা প্ৰকাশ কৰিছে ।
অভিনেতাগৰাকীয়ে সংবাদমাধ্যমৰে হোৱা সাক্ষাৎকাৰত কয় যে- “এই সময় দেশৰ সংকটৰ সময় । এই সময়ত সকলোৱে ইজনে-সিজনক সহায় কৰি আছে । ময়ো যিমান পৰিয়ালক সহায় কৰিব পাৰো, তেওঁলোকক সহায় কৰিবলৈ চেষ্টা কৰি আছোঁ ।”
উল্লেখ্য যে শেহতীয়াকৈ দেশত যোৱা ২৪ ঘণ্টাত ১৪৬৩ জন লোক ক’ৰোনাত নতুনকৈ আক্ৰান্ত হোৱাৰ বিপৰীতে ২৯ জন লোকৰ মৃত্যু ঘটিছে ।